Jahan tak rahi baat exact amount of profit ki, here’s the truth: aap stock market investments ke through kitna kama sakte hain, ispe koi bhi upper limit nahi hai. But you have to be realistic. Share market investments take a lot of time and effort.
Ye sunke shayad aap me se kuch log hairan hon. Arre, humen toh suna tha ke stock market me invest karke log bahut ameer ho jaate hain - vo bhi in a very short period of time. Well, I have news for you: agar aap stock market se massive returns chahte hain, toh aapko patient rehna hoga. Research me bahut time devote karna hoga.
Ek principle ka dhyaan rakhiye: especially jab baat paison ki ho - there are no shortcuts. Iska ye matlab nahi ke aap stock markets se dar kar invest hi na karein. But instead, aap apne aur apne goals ke baare me extra ware rahein. Aapka invest karne ka maqsad kya hai, aap kitna risk lene me comfortable hain, aapki stock market ki knowledge kitni hai. Agar aap kisi bhi trade se pehle in sabhi parameters ko dhyaan se consider karenge, only then you will be able to get returns.
Chaliye thoda detail me baat karte hain unn sabhi steps ki jinke through aap stock market investments karke behtar returns earn kar sakte hain.
The first and most important step is understanding your investor profile. Aap ek mahine me stock market investments ke through kitna earn karna chahte hain, ye sochne se pehle aapko ye dekhna hai ke aapke paas invest karne ke liye spare cash kitna hai. Jaisa ki humesha kaha jaata hai - hope for the best and prepare for the worst. So you have to consider a situation jahan pe aapki investments are not able to give you the return you expected. Stock market me invest karne ka yahi risk hota hai. Toh sabse pehle aap khud se puchein: main kitna risk lene me comfortable hun? Kitni spare money main invest kar sakti hun that I would be okay even if I lose it in the worst-case scenario?
For example, agar aap decide karte hain ke aapke paas X amount hai - ye sum hai jo aap invest karne me comfortable feel karte ho. Great. Lekin ab actual investment karte samay - iss amount ka sirf half invest karein. First time invest karte samay you cannot be too overconfident. Har kadam soch samajh kar uthana hai.
Agli baat bhi aapke stock investments ke liye bahut important hai. And that is: research, research, research. Hum kitna bhi emphasise karle kam hoga. Ye bahut zaruri hai ke aap log achhe se research karein about the stock and the market trends.
Ek stock ki performance predict karne ke liye it is important ke aap stock ke kuch features ko study karke practice karein.
Here are three things that you should look out for:
One, company fundamentals. Company fundamentals se humara matlab hai ke aap dekho ke jis company ke stock me aap invest karne ke baareme soch rahe ho, wo company achha perform kar rahi ho aur ek achhe foundation par bani ho. Aap company ki annual reports padhenge, uski website par jaakar management ki vision jaanenge, aur company ke baare ne newspapers me padhenge - ye sab karne ka goal hai ke aapko cmpany ke baare me important information mile, jisse aap pata laga sakein ke company kaise perform kar rahi hai, kya uska business achha chal raha hai, kya customers khush hain, and all of this will tell you if the stock prices will rise in the future.
Second thing to look out for is pricing. Dekho - aisa ho sakta hai ke ek company apne sector ki star performer. In fact, it could be a very known name. Lekin agar uska stock bahut high priced hai, toh uske investors ko asal me kuch khaas return nahi mil raha hoga. Aisi situation me aapka dost hai P/E ratio yaani ki Profit Equity ratio. Aap company ke historical price charts bhi dekh sakte hain. Agar shares bahut high priced honge to aapko high par khareedne ke baad low sell karne ki naubat a sakti hai. Make sure you don’t fall in this trap.
The third thing to watch out for is the investing timeline. Agar aapka goal short-term gain hai, toh phir blue-chip companies me invest karna is not the best decision. On the other hand, unicorn startups aur disruptive companies me invest karne se risk badh jaata hai. So decide a timeline for your investment and decide accordingly.
Now coming back to the question of how much money you can make from stocks in a month, woh depend karega teen cheezon pe:
One, aap kitna capital amount invest karte hain
Two, aapki trading ki frequency kya hai
Three, aap kitna risk lete hain
Zaahir si baat hai: Rs 100 invest karke aap Rs 1 lakh ka profit toh expect nahi kar sakte. Toh aapko apne investment goals aur strategies ko achhe se define karna hoga - and then aim at how much profit you want to make. Research karke let’s hope you hit your targets!
Stock market me invest karke returns accumulate karein - make sure you are ready to be on your toes constantly!