What is Intrinsic value? How to find it?

ఇంట్రిన్సిక్ వాల్యూ అంటే ఏమిటి? దానిని తెలుసుకోవడం ఎలా? మిత్రులారా! ఏంజెల్ బ్రోకింగ్ నుండి ఈ పోడ్‌కాస్ట్‌కు స్వాగతం! ​నేను ఇటీవల ఓ హైస్కూల్ టీచర్ టీనేజర్స్ కి వివరించడానికి ప్రయత్నిస్తున్న వీడియోను చూశాను లోక్‌డాన్‌లో మీ తల్లిదండ్రులు మీకు చెప్పకపోవచ్చు, కాని ప్రతిఒక్కరిపై ఆర్థిక ఒత్తిడి పెరిగింది. “మనందరికీ ఎలక్ట్రానిక్స్, పుస్తకాలు మరియు బట్టలు వంటి విషయాలు అవసరం కానీ ఇప్పుడు దయచేసి బ్రాండ్ వెనుక పడకండి - కనీసం ఈ ఆర్థిక సవాళ్ల సమయంలో, అసలైన విలువ తెలుసుకుని ఖర్చు చేయండి. ఇంట్లో కూర్చొని మీ వర్చువల్ తరగతుల కోసం రూ .2,000 టీ షర్టు ధరించాల్సిన అవసరం లేదు. టీ-షర్టు ఏదైనా టీ షర్టే … మీరు టీ-షర్టుకు రూ .250 లేదా రూ.650 లేదా రూ .2,500 చెల్లించినా, దాని విలువ అంతే ఉంటుంది, కాబట్టి జనాదరణ, బ్రాండ్ మొదలైనవి చూసి కాకుండా విలువ బట్టి కొనండి” ​కోవిడ్, లాక్ డౌన్ ఉన్నా, లేకపోయినా, స్టాక్ మార్కెట్‌లోని స్టాక్‌లను విలువను బట్టి కొనుగోలు చేయాలి. ఈ "వాస్తవ విలువ" ను "అంతర్గత విలువ" అంటారు. ​మరి అంతర్గత విలువ అంటే ఏమిటి? రండి లోతుగా పరిశీసిద్దాం! కొన్నిసార్లు వాస్తవ విలువగా సూచించబడే అంతర్గత విలువ, స్టాక్ యొక్క నిజవిలువను లెక్కిస్తుంది. అంతర్గత విలువ కు సంబంధించి మొదటి ఊహ, స్టాక్ మార్కెట్ ప్రవర్తన తార్కికంగా ఉండదు అని. స్టాక్ యొక్క వాస్తవ విలువ A కావచ్చు కానీ స్టాక్ మార్కెట్లో ఇది A కంటే తక్కువ లేదా A లేదా A కంటే ఎక్కువ లేదా A కన్నా రూ .50 లేదా తక్కువ లేదా A కు 50 రెట్లు. ఇది సరైన విషయం ఎందుకంటే స్టాక్ మార్కెట్లో డిమాండ్ సరఫరా వంటి ఆర్థిక శాస్త్ర విషయాలు కూడా వర్తిస్తాయి. నిజానికి వేల కారణాలు స్టాక్ ధరల హెచ్చుతగ్గులకు కారణమవుతాయి. ​కాబట్టి అంతర్గత విలువ గురించి మీరు అర్థం చేసుకోవలసిన మొదటి విషయం ఏమిటంటే ఇది ప్రస్తుత స్టాక్ ధరను విలువ యొక్క నిజమైన సూచికగా అంగీకరించదు. ​అంతర్గత విలువ గురించి రెండవ అతి ముఖ్యమైన విషయం ఏమిటంటే అంతర్గత విలువను లెక్కించడానికి అనేక మార్గాలు ఉన్నాయి. వేర్వేరు ఆర్థిక విశ్లేషకులు వేర్వేరు పద్ధతులను ఉపయోగిస్తారు. నేటి పోడ్‌కాస్ట్‌లో అంతర్గత విలువను లెక్కించడానికి సాధారణంగా ఉపయోగించే కొన్ని పద్ధతులను పరిశీలిస్తాము. కానీ దీనికి ముందు, బహుశా మీరు ఆలోచించవచ్చు– స్టాక్ ను మార్కెట్ ధర వద్దే కొనాలి. అయితే అసలు విలువను ఎందుకు లెక్కించాలి? కిరాణా సామాన్లు కొనబోయేముందు మీరు వాటి ధరలను మార్కెట్ ను బట్టే చెల్లిస్తారు, తయారీ ఖర్చు ఎంత అని కూర్చుని లెక్కించరు కదా….? ​మిత్రాలారా విషయం చాలా సులువు. మీరు స్టాక్ యొక్క అంతర్గత విలువ కంటే ఎక్కువ చెల్లించనవసరం లేదు. స్టాక్ పెరిగిన ధర వద్ద వర్తకం చేస్తుంటే, ఒకటి నగదు ప్రవాహం మరియు ఆర్ధికవ్యవస్థచే అది సమర్థించబడదు, ఇంకా స్టాక్ ధర సర్దుబాటు – అంటే స్టాక్ ధర తగ్గదలకు – గొప్ప సామర్థ్యాన్ని కలిగి ఉంది. అంటే మీరు పెరిగిన ధర వద్ద కొనుగోలు చేస్తారు మరియు మీరు స్టాక్‌ను కలిగి ఉన్నప్పుడు ధర తగ్గవచ్చు. ఇది స్మార్ట్ పెట్టుబడికి పూర్తి వ్యతిరేకం. స్టాక్ తక్కువగా అంచనా వేయబడినప్పుడు లేదా కనీసం తక్కువ ధర లేదా సహేతుకమైన ధర వద్ద మీరు కొనాలనుకుంటారు - తద్వారా స్టాక్ ధర పెరగడానికి అవకాశం ఉంటుంది మరియు ధర ఎక్కువగా ఉన్నప్పుడు స్టాక్‌ను అమ్మడం ద్వారా కొంత ఆదాయాన్ని పొందుతారు. ​విలువ పెట్టుబడిదారులు ముఖ్యంగా, స్టాక్ యొక్క అంతర్గత విలువపై జాగ్రత్త శ్రద్ధ వహిస్తారు. విలువ పెట్టుబడి వ్యూహంలో, తక్కువ ధర వద్ద, లేదా వాటి వాస్తవ విలువ కంటే తక్కువ ఉన్నపుడు వర్తకం చేసే స్టాక్లను మాత్రమే కొనుగోలు చేయడం. ​ఇప్పుడు మీరు అంతర్గత విలువ అర్ధాన్ని మరియు మీరు స్టాక్ యొక్క అంతర్గత విలువను ఎందుకు లెక్కించాలో అర్థం చేసుకున్నారు. పరిశీలిద్దాం రండి, రెండు అత్యంత ప్రజాదరణ పొందిన గణన పద్ధతులు. ​గుణాత్మక నమూనా ​ఈ నమూనాలో, ఫైనాన్షియల్ అన్‌లిస్ట్‌లు అన్ని ఆర్థిక పత్రాలను చూడటం ద్వారా స్టాక్ యొక్క వాస్తవ విలువను లెక్కిస్తాయి. ఆర్థిక విశ్లేషకుడు క్లిష్టమైన వ్యాపారం యొక్క వివిధ అంశాలకు వెయిటేజ్ ఇస్తాడు. ఫైనాన్షియల్ స్టేట్మెంట్స్ మాత్రమే కాక, ఫైనాన్షియల్ విశ్లేషకుడు ఇన్వెస్టర్ దృక్పదాన్ని కూడా పరిగణలోకి తీసుకుంటాడు, సంస్థ లక్ష్యం చేసిన ప్రజలు, యాజమాన్యం - అనేక విషయాలను పరిగణలోకి తీసుకుంటాడు. ​ఆర్థిక విశ్లేషకుడి కష్టం ఏమిటంటే, వ్యక్తిగత అభిప్రాయంపై నిర్ణయాలు రాకూడదు. గణిత నమూనాలను అభివృద్ధి చేసి, ఆర్థిక విశ్లేషకులు వారి అభిప్రాయాలు మరియు భావాలను మరియు గత అనుభవాలను సమీకరణం నుండి దూరంగా ఉంచడానికి ప్రయత్నిస్తారు. ​అయితే, కొంతమంది పెట్టుబడిదారులు గుణాత్మక నమూనాను ఇష్టపడతారు ఎందుకంటే; ఇది కేవలం సంఖ్యలనే కాక సంస్థను నడుపుతున్న వ్యక్తులను కూడా పరిగణిస్తుంది (లేదా మీరు స్టాక్ కొనుగోలు చేస్తే మీ డబ్బుని గురించి). డిస్కౌంటెట్ క్యాష్ ఫ్లో మోడల్ ​వ్యక్తిగత అభిప్రాయాలను తొలగించడం మరియు సంఖ్యలపై పూర్తిగా ఆధారపడటం వలన ఈ మోడల్ కాస్తా సులువైనది. డిసిఎఫ్ మోడల్‌లో సంస్థ యొక్క నగదు ప్రవాహం మరియు WACC, మూలధనం యొక్క సగటు వ్యయం ఉపయోగించబడుతుంది. DCF మోడల్‌ను అర్థం చేసుకోవడానికి ఈ రెండు పదాలను అర్థం చేసుకుందాం! ​మీకు తెలిసినట్లే నగదు ప్రవాహం అంటా సంస్థ నుండి డబ్బు బయటకు వెళ్లడం లోపలకి రావడం (దీనివలన వ్యాపారం బాగా జరుగుతుందో లేదో తెలుస్తుంది) WACC కొంచెం క్లిష్టంగా ఉంటుంది – ఇది భవిష్యత్తులో ఒక సంస్థ సంపాదించే మూలధన మొత్తాన్ని సూచిస్తుంది. సూత్రం చాలా క్లిష్టమైనది. ఇది ఇలా కనిపిస్తుంది. సులభతరం చేయడానికి మనము కొన్ని సరళ రూపాలను ఉపయోగిద్దాము – CF అంటే నగదు ప్రవాహం మరియు R అంటే వడ్డీ రేటు. అంతర్గత విలువ = (CF1) / (1 + r) + (CF2) / √(1 + r) ^ 2 + (CF3) / ∛(1 + r)… ​మీరు మీ అంతర్గత విలువను పొందిన తర్వాత, మీరు దానిని వాస్తవ స్టాక్ ధరతో పోల్చాలి. ఒకవేళ స్టాక్ ధర అంతర్గత విలువ కన్నా తక్కువ అయితే స్టాక్ ధర తక్కువగా అంచనా వేయబడినట్లు. స్టాక్ ధర అంతర్గత విలువ కన్నా ఎక్కువ ఐతే, అప్పుడు స్టాక్ ధర అతిగా అంచనా వేయబడినట్లు లేదా దాని ధర పెరిగి ఉంటుంది. ​కాబట్టి నేటి పోడ్‌కాస్ట్‌లో ఇంతే. ఇప్పుడు నేను కూడా కొన్ని షేర్ల యొక్క అంతర్గత విలువను లెక్కించడానికి వెళ్తున్నాను – మళ్లీ కలుద్దాం. అంత వరకు, ఏంజెల్ బ్రోకింగ్ తరఫున - వీడ్కోలు - సంతోషంగా పెట్టుబడి పెట్టండి! ​ పెట్టుబడులు మరియు సెక్యూరిటీ మార్కెట్లు నష్టాలకు లోబడి ఉంటాయి. పెట్టుబడి పెట్టడానికి ముందు అన్ని సంబంధిత పత్రాలను జాగ్రత్తగా చదవండి. ​