Doston is podcast mein hum roll up mergers ke baare me jaanne wale hain. Roll up mergers ek type ke mergers hote hain, jinme kai sari choti companies ko simultaneously roll up karke, ya fir merge karke ek badi company banai jaati hai.
Roll up mergers ke peeche kai saare kaaran ho sakte hain - jaise ki company ke operations ka expansion, ya large scale par services ya products supply karna, ya simply to build a brand around a product or service and sell it nationally.
Roll up mergers ka success kin factors par depend karta hai? Ye hum discuss karenge shortly after looking at the process.
Toh chaliye dekhte hain ki roll up mergers ke peeche kya strategies hoti hain aur ye shareholders ko kaise affect karti hain.
Doston roll up mergers ke peeche usually teen primary reasons hote hain. Jaise jaise market sectors mature hote hain, roll up mergers un sectors mein consolidation ka role play karte hain.
Toh kyun kiye jaate hain roll up mergers? Chaliye dekhte hain, in 3 brief points.
Pehla point. Roll up mergers business operations mein geographical factors ko tackle karne ke liye kiye jaate hain. Kabhi kabhi companies local operations mein competition ko tackle karne ke liye roll up mergers initiate karte hain.
On the other hand, agar koi company naye areas mein expand karti hain, to jo companies us business mein already locally present hain, unke saath roll up merger karke existing business infrastructure ka use kiya jaa sakta hai.
Roll up mergers ke through companies naye geographies mein high market penetration achieve kar sakti hain. Competition is another factor that leads to roll up mergers. Jab multiple companies same market mein similar products sell karti hain, toh it becomes difficult for them to differentiate their product.
Aise cases mein, agar antitrust laws violate na ho rahe hon, toh roll up mergers are a good way to capture a bigger market share.
Next important factor is talent. Kisi industry mein top talent ko attract karna difficult hota hai, especially for a company entering a new area through expansion.
Roll up mergers ke through companies hiring cost bhi cut kar paati hain, aur existing market relations ke through naye market mein ek solid entry point create kar sakti hain.
Toh doston these are the three important factors that lead to roll up mergers.
Toh roll up mergers companies ke shareholders ko kaise karta hai affect? Chaliye dekhte hain.
Agar aap us company ke shareholder hain jisko holding company ke liye transfer kiya jaa raha hai, to aapko apni ownership ke according shares ya cash offer kiya jayega. Ye merger ke pre-decided exchange ratio par depend karta hai.
Toh doston this is how mergers work for shareholders.
Ab baat rahi merger ke success ki, to roll up mergers mein success depends on three factors.
Pehla hota hai industry aur market ki situations. Roll up mergers usually tabhi successful hote hain, jab kisi particular business ka market fragmented hota hai. So what do we mean by ‘fragmented’?
Doston agar kisi business mein ek particular company market ko dominate naa kar rahi ho, aur bahut saare chote businesses industry mein present hon, toh us case mein industry ko fragmented bolte hain.
Aise case mein roll up mergers ke through chote companies ko unite karke ek strong brand ke under unified product ya services ka portfolio banaya jaa sakta hai.
Second major factor jo roll up mergers ke success ko determine karta hai, are the consolidators, jo deal negotiate kar rahe hain.
Consolidators should have proven success and expertise in evaluation, target identification, and negotiation.
Third major factor hota hai value creation. Holding company ke paas koi na koi operational plan hona chahiye, jo small companies ke existing infrastructure aur business model se zyada value create kar paye.
Doston these are some of the broad factors jo roll up mergers ki success ko determine karte hain. Ab doston, kabhi kabhi roll up mergers ka success situational factors par bhi depend karta hai.
Isliye kaha jaata hai ki jis industry ya company mein aap invest kar rahe ho, uski aapko in depth understanding hona chahiye.
Achcha, now that you know ki as a shareholder roll up mergers aapko affect kar sakte hain, kya roll up mergers ko aap foresee kar sakte hain?
In most cases, fragmented industries lead up to roll up mergers. Lekin there are other situations too, jahan par roll up mergers dekhne ko mil sakte hain.
Agar government legislation mein naye regulations introduce karti hai, to us regulation se affect hone wale small businesses ke liye operating costs unbearable ho sakti hain.
Aise cases mein, the bigger players in the industry try to roll up smaller businesses under their operations. Toh doston this is how roll up mergers work.
Aaj ke podcast mein bas itna hi doston. एंजेल ब्रोकिंग की तरफ से आपको अलविदा. ये podcast शेयर करना ना भूलियेगा - याद रखियेगा की ज्ञान बाटने से बढ़ता है । और फिर अंत में तोह financial markets एक ऐसी university है जिसमे कोई professor नहीं, सब students ही है ।