How Triggers Can Help Minimize Losses

Podcast Duration: 07:11
Namaskar dosto. Angel Broking ke ISS podcast mein aapka swagat hai.

Trigger shabd toh aapne suna hi hoga.

Kisi english picture me nahi toh Money Heist me toh zaroor suna hoga…"pull the trigger" maane goli maarna… psychology mein bhi trigger shabd ka istimal hota hai...trigger maane jo cheez kisi ka dhimag phira deta hai… lekin triggers hamesha buri cheez nahi hoti hai… trigger ka matlab kabhi kabhi accha bhi ho sakta.

Chalo pahle thoda introduction/ definition …..

Triggers in stock market terminology maane jo set instructions trader apne broker ko deta hai.

Triggers ko use karna kyu zaroori hai?
Aap har ek second apne stock me dhyaan nahi de sakte .koi kitna bhi koshish kare.normal Inshan ho ya sap, bhagwan nahi ho aur batman bhi nahi ho (aur shayad rajnikant bhi nahi ho). Kabhi na kabhi, kuch minutes ya seconds ke liye aapka dhyaan kahi aur rah sakta hai . Boom! It takes only a few seconds to incur great losses nahi toh miss out on great profits in intraday trading.

Toh kya karoge?
Simple! Instructions pahle se hi set karoge. Yahi hai aaj ka discussion - how triggers can help minimize losses…. Yaani ki apne broker ke saath set instructions istamal kar ke losses kam rankhne ka tareeka.

Coming back to the importance of triggers….

Stock market mein risk rahega hi. Losses ko bilkul eliminate karna namumkin hai. Risk aur losses kam rakhna yahi ek possibility hai. Aap apne broker ke saath Stop Loss set kar apne losses kam rakh sakte ho.

Stop loss set karne ke liye aapko pahle trigger prices … short form triggers to janana zaroori hai. Triggers janane ke baad hi aap apna stop loss set kar sakte ho.

Aap beginner ho ya expert, serious ho ya thoda bahut try kar ke dekh rahe ho… apne losses ko limit mein rakhne ke liye stop loss use karna important baat hai.

Stop Loss se aap woh situations ko avoid kar sakte ho jis ko log TV me dekh ke stock market se dar jate hai … kisi ne apni puri zindagi…. Saara paisa… makaan ...gadi… sona.. guma diya kyunki stock market me bahut gehra losses ho gaya tha. Lekin yeh situation avoid karna ekdum easy hai. Stop loss set karo aur losses kam kar sakte ho. Stop loss will sell your stock at the set stop loss and will not allow you to incur further losses by keeping you in the game when the price falls even further than your stop loss.

Toh ab samajh mein aaya triggers aur stop loss ka importance aur aapke liye yeh kyun necessary hai.

Toh kaise set karte hai stop loss?
Soch lo ki aap XYZ Shipping ka stock kaafi time se observe kar rahe ho aur aapko lagta hai ke yeh stock aapke liye profitable ho sakta hai. Stock price abhi Rs 203 per share hai aur aapko yakin hai ki stock price Rs 223 tak increase ho sakta hai. Aap 5,000 shares ke stock ko lete ho taki aap Rs 20 multiplied by 5,000 = Rs 100,000 ka profit pa sako. Lekin yeh goal ke saath aapko dar bhi hai ki aap apna investment kho bhi sakte ho toh aap stop loss set karna chahte ho. Pura loss ho sakta hai. Stock price poore din mein upar niche hota hi rahega. Rs 223 tak pahuchne ke liye time toh lagega. Aap aapka stop loss Rs 198 rakh sakte ho. Iska asar yeh hoga ki aapka loss kabhi Rs 5 per share (maane total Rs 25,000) se zyaada nahi hoga. Similarly aap apna sell order Rs 223 per share me set kar sakte ho taki jaise hi stock price Rs 223 pahuch jayega… vapas price girne ke pahle, aapka stock bhik jayega aur aapko profits mil jayega.

Stop loss order ya stop loss trigger do kism ke hote hai.
Stop Loss Limit Order
And
Stop Loss Market Order

Stop Loss Limit Order pahle dekh lete hai.
Isse kahte hai normal stop loss order. Abhi diya hua XYZ example ko dubara dekh ke samjha deta hu. Toh aap stock Rs 203 mein khareed rahe ho aur Rs 198 ka stop loss rakhne waale ho…

Lekin ho sakta hai ki stock price exactly Rs 198 nahi pahuch raha hai… kabhi Rs 198.56… kabhi Rs 197.88 lekin never Rs 198.

Aapka sale nahi hoga.

Stop loss limit order stock price ko exactly woh bhav me pahuchna zaroori hai. ek bhi paisa idhar udhar nahi chalega.

Stop Loss Market order mein however the sale will take place even if the stock price goes lower then Rs 198. Yaani ke agar aap ka stop loss par kar ke bhi agar stock price Rs 198.56 se Rs 197.88 ho gaya, aapka stock bhik jayega.

Ab dekhte hai stop loss ki strengths and weaknesses

Let us discuss benefits first. Stop loss ke benefits kai saari hai -
Bilkul free hai … at least Angel Broking app me free rahta hai
Risk limit kar deta hai … jo humne iss podcast mein discuss kiya hai
Constant monitoring ki zaroorat nahi rhta- aap apne dusre kaam bina tension kar sakte ho.

Koi bhi emotions… jaise lalach ya dar … ya kisi bhi emotion se trading decisions kabhi nahi banana chahiye. Trigger toh pahle se hi set karte ho before any emotions get involved - isse emotional trading prevent ho jati hai.

Lekin stop loss use karte smay kai cheeze yaad bhi rakhna chahiye. Har cheez ka upside and downside rahta hai. Stop loss risk kam rakhne mein sahayta karta hai aur losses kam rakhne ke liye thoda bahut help kar sakta hai. Lekin log trading toh profits ke liye karte hai. Stop loss yeh goal nahi dilwa sakta hai - profits paane ke liye dhyaan se stock ko kai maheeno, ya kam se kam kai hafto, ke liye study karo. Technical charts aur indicators bhi dhyaan se examine karna hoga. Agar aap sure nahi ho toh thoda expert advice bhi le sakto ho. Shrif stop loss me depend ho ke trading mein profits paana thoda mushkil hai.

Toh yeh hai Triggers aur Stop Loss ke baare mein shari jankari. Angel Broking app me aap Stop Loss ashani se free mein set kar jaan sakte ho. Shrif yeh nahi aapko charts, indicators aur stocks watchlist banane ki bhi suvidha free me mil jayegi. Expert opinion bhi app me hi mil jaegi. Toh download kijiye and start trading anytime, anywhere.