ఆప్షన్స్ ఖచ్చితంగా ఎలా పనిచేస్తాయి? మనం అందరం కాల్ అండ్ పుట్  ఆప్షన్లు మరియు ఆప్షన్స్  ట్రేడింగ్ గురించి విని ఉన్నాము. కానీ ఆప్షన్స్ ఎలా ట్రేడ్ చేయాలి మరియు భారతదేశంలో ఆప్షన్స్ ట్రేడింగ్ యొక్క ముఖ్య లక్షణాలు ఏమిటి. మనం మొదట కాల్ ఆప్షన్లు అంటే ఏమిటో అర్థం చేసుకుందాం మరియు అప్పుడు ఒక ఉదాహరణతో కాల్ ఆప్షన్లలోకి లోతుగా వెళ్దాము.

కాల్ ఆప్షన్ అంటే ఏమిటి?

 ఒక కాల్ ఆప్షన్ అనేది కొనుగోలు చేయడానికి బాధ్యత లేకుండా కొనుగోలు చేసేందుకు ఒక హక్కు.   కాబట్టి మీకు టిసిఎస్ పై ఒక కాల్ ఆప్షన్ ఉంటే అప్పుడు మీకు టిసిఎస్ కొనుగోలు చేసే హక్కు ఉంటుంది కానీ ముందుగా నిర్ణయించబడిన ధరకు టిసిఎస్ కొనుగోలు చేయడానికి ఎటువంటి బాధ్యత ఉండదు. ఉదాహరణకు, మీరు రూ.45 ధరకు ఒక టిసిఎస్ 1-నెల 2700 కాల్ ఆప్షన్‍ను కొనుగోలు చేసి ఉంటే. సెటిల్మెంట్ రోజున టిసిఎస్ ధర రూ. 2850 అయితే, ఆ ఆప్షన్ మీకు లాభదాయకంగా ఉంటుంది. కానీ ఆ తేదీనాడు టిసిఎస్ ధర రూ. 2500 అయితే, మీరు దానిని రూ. 2500 కు ఓపెన్ మార్కెట్లో కొనుగోలు చేయగలిగినప్పుడు 2700కు టిసిఎస్ వద్ద కొనుగోలులో ఆసక్తి కలిగి ఉండరు. ఎటువంటి బాధ్యత లేకుండా ఈ హక్కు కోసం మీరు రూ. 45 ప్రీమియం చెల్లించాలి, ఇది మీ కృంగిపోయిన ఖర్చు అవుతుంది.

భారతదేశంలో ఆప్షన్ ట్రేడింగ్ అర్థం చేసుకోవడం…

భారతదేశంలో అన్ని ఆప్షన్‍లు క్యాష్ సెటిల్ చేయబడతాయి! అంటే ఏమిటి? దీని అర్థం సెటిల్మెంట్ తేదీన లాభాలు క్యాష్‍లో సర్దుబాటు చేయబడతాయి అని. కేవలం మీ దగ్గర ఒక టిసిఎస్ కాల్ ఆప్షన్ ఉంది కాబట్టి మీరు ఎక్స్చేంజ్ కు వెళ్ళి మీకు టిసిఎస్ యొక్క షేర్ల డెలివరీని పొందాలని డిమాండ్ చేయలేరు. కాల్ ఆప్షన్‍లు సమీప-నెల, మధ్య-నెల మరియు దూరపు-నెల కాంట్రాక్ట్స్ లో అందుబాటులో ఉంటాయి. గుర్తుంచుకోండి, అన్ని కాల్ ఆప్షన్ కాంట్రాక్ట్స్ నెల యొక్క చివరి గురువారం ముగుస్తాయి.

ఇండెక్స్ కాల్ ఆప్షన్ మరియు స్టాక్ కాల్ ఆప్షన్‍లు ఏమిటి?

ఒక ఇండెక్స్ కాల్ ఆప్షన్ అనేది  ఒక ఇండెక్స్ కొనుగోలు చేయడానికి ఒక హక్కు మరియు లాభం/నష్టం అనేది ఇండెక్స్ విలువలో కదలిక పై ఆధారపడి ఉంటుంది. అందువల్ల మీకు నిఫ్టీ కాల్స్, బ్యాంక్ నిఫ్టీ కాల్స్ మొదలైనవి ఉన్నాయి. స్టాక్ ఆప్షన్‍లు అనేవి వ్యక్తిగత స్టాక్లపై ఆప్షన్‍లు. ఆ విధంగా మీకు రిలయన్స్ ఇండస్ట్రీస్, టాటా స్టీల్, ఇన్ఫోసిస్ మరియు అదాని సెజ్ మొదలైన వాటిపై కాల్ ఆప్షన్‍లు ఉన్నాయి. రెండు సందర్భాల్లోనూ కాల్ ఆప్షన్‍ల ట్రేడింగ్ సూత్రం ఒకే విధంగా ఉంటుంది. మీరు స్టాక్ లేదా ఇండెక్స్ ధర పైకి వెళ్తుందని ఆశించినప్పుడు మీరు కాల్ ఆప్షన్‍లను కొనుగోలు చేయండి.

యూరోపియన్ కాల్ ఆప్షన్  మరియు ఒక అమెరికన్ కాల్ ఆప్షన్  ఏమిటి?

యూరోపియన్ మరియు అమెరికన్ కాల్ ఆప్షన్‍ను అర్థం చేసుకోవడానికి ముందు, కాల్ ఆప్షన్‍ను వినియోగించుకునే భావాన్ని మనం మొదట అర్థం చేసుకుందాం. మీరు ఒక కాల్ ఆప్షన్‍ను కొనుగోలు చేసినప్పుడు, మీకు ముందు రెండు ఆప్షన్‍లు ఉంటాయి. మీరు మార్కెట్లో ఒక కాల్ ఆప్షన్‍ను వెనక్కు మళ్ళించవచ్చు (మీరు దానిని కొనుగోలు చేసి ఉంటే దానిని విక్రయించడం, విక్రయించి ఉన్నట్లయితే కొనుగోలు చేయడం) లేదా మీరు  ఎక్స్ఛేంజ్ కి వెళ్లి కాల్ ఆప్షన్‍ను వినియోగించుకోవచ్చు. సెటిల్‌మెంట్ తేదీన మాత్రమే వినియోగించుకోగల ఒక ఆప్షన్‍ను యూరోపియన్ ఆప్షన్ అని పిలుస్తారు, అయితే సెటిల్‌మెంట్ తేదీనాడు లేదా అంతకంటే ముందుగా అమెరికన్ ఆప్షన్‍ను వినియోగించుకోవచ్చు. గతంలో, ఇండెక్స్ ఆప్షన్‍లు యూరోపియన్ గా మరియు స్టాక్ ఆప్షన్‍లు అమెరికన్ గా ఉండేవి. ఇప్పుడు అన్ని ఆప్షన్‍లు యూరోపియన్ ఆప్షన్‍లు మాత్రమేగా మారిపోయాయి.. 

వారం వారీ కాల్ ఆప్షన్‍లు ఏమిటి మరియు నెలవారీ కాల్ ఆప్షన్‍లు ఏమిటి?

ప్రజాదరతో ట్రేడింగ్ చేయబడుతున్న నెలలో చివరి గురువారం గడువు ముగిసే సాధారణ ఆప్షన్‍లు నెలవారీ కాల్ ఆప్షన్‍లు. ఇటీవల, సెబి మరియు ఎక్స్ఛేంజ్ లు ప్రత్యేకంగా బ్యాంక్ నిఫ్టీ కు సంబంధించి వారంవారీ ఆప్షన్‍లు అనే ఒక కొత్త ఉత్పత్తిని ప్రవేశపెట్టింది. ప్రతి వారం గడువు ముగియడం ద్వారా ఆప్షన్‍ల ప్రమాదాన్ని తగ్గించడం ఇందులోని భావన. ఈ వారం వారీ  ఆప్షన్‍లు ఇటీవలి గతంలో వ్యాపారుల నుండి చాలా ఆసక్తిని ఆకట్టుకున్నాయి.

ఐటిఎం మరియు ఒటిఎం కాల్ ఆప్షన్‍లు ఏమిటి?

ఆప్షన్‍ల విషయంలో ఇది చాలా ముఖ్యమైన వర్గీకరణ.   ఇన్-ద-మనీ (ఐటిఎం) కాల్ ఆప్షన్‍లు అనేవి స్ట్రైక్ ధర కంటే మార్కెట్ ధర ఎక్కువగా ఉన్నప్పుడు ఉండేవి.  ఔట్ ఆఫ్ ద మనీ (ఒటిఎం) కాల్ ఆప్షన్  అనేది స్ట్రైక్ ధర కంటే మార్కెట్ ధర తక్కువగా ఉన్నప్పుడు ఉండేది. ఇన్ఫోసిస్ యొక్క మార్కెట్ ధర రూ. 1000 అయితే, అప్పుడు 980 కాల్ ఆప్షన్ ఐటిఎం అవుతుంది, మరి 1020 కాల్ ఆప్షన్ ఒటిఎం అవుతుంది.

కాల్ ఆప్షన్‍లకు వస్తే, సమయ విలువ ఎంత?

మనం గతంలో చూసినట్లుగా ఆప్షన్ ప్రీమియం అనేది కొనుగోలు చేసే బాధ్యత లేకుండా కొనుగోలు చేసే హక్కును పొందడానికి కొనుగోలుదారుడు చెల్లించే ధర. ఈ ఆప్షన్ ప్రీమియంలో 2 భాగాలు ఉన్నాయి, అవి సమయ విలువ మరియు అంతర్గత విలువ. అంతర్గత విలువ అనేది ధర లాభం, సమయ విలువ అనేది ఆ ఆప్షన్ లాభదాయకంగా మారుతుందనేందుకు మార్కెట్ దానికి కేటాయించే సంభావ్యత. అన్ని ఐటిఎం ఆప్షన్‍లకు అంతర్గత విలువ మరియు సమయం విలువ ఉంటుంది అయితే ఒటిఎం ఆప్షన్‍లు సమయ విలువను మాత్రమే కలిగి ఉంటాయి.

ఒక కాల్ ఆప్షన్  ఉదాహరణతో మనం దీనిని అర్థం చేసుకోవచ్చా?

ఇన్ఫోసిస్ రూ.1000 పై కోట్ చేస్తోందని భావించుకుందాం. కాల్ ఆప్షన్ స్ట్రైక్ ధరల యొక్క వివిధ సందర్భాలను మరియు సమయ విలువ మరియు అంతర్గత విలువ విలువ ఎలా లెక్కించబడుతుందో చూద్దాం…

స్ట్రైక్ ధర ప్రీమియం గడువు ఐటిఎం/ ఒటిఎం అంతర్గత విలువ సమయ విలువ
940 కాల్ 115 జనవరి-2018 ఐటిఎం 60 45
960 కాల్ 93 జనవరి-2018 ఐటిఎం 40 53
980 కాల్ 61 జనవరి-2018 ఐటిఎం 20 41
1000 కాల్ 38 జనవరి-2018 ఎటిఎం 0 38
1020 కాల్ 29 జనవరి-2018 ఒటిఎం 0 29
1040 కాల్ 22 జనవరి-2018 ఒటిఎం 0 22
1060 కాల్ 14 జనవరి-2018 ఒటిఎం 0 14

పైన పేర్కొన్న టేబుల్ నుండి ఒటిఎం కాల్ ఆప్షన్‍లు సమయ విలువ మరియు అంతర్గత విలువను కలిగి ఉంటాయని మరియు ఐటిఎం ఆప్షన్‍లు కేవలం సమయం విలువను మాత్రమే కలిగి ఉంటాయని స్పష్టంగా తెలుస్తుంది.

కాల్ ఆప్షన్‍ల ధరను ఏది ప్రభావితం చేస్తుంది?

కాల్ ఆప్షన్  ధరను ప్రభావితం చేసే వివిధ అంశాలు ఉన్నాయి. అయితే, స్ట్రైక్ ధర మరియు మార్కెట్ ధర చాలా ముఖ్యమైన అంశాలు. మార్కెట్లో అనిశ్చితత మరియు అస్థిరతను జోడించే రాజకీయ సంఘటనలు కూడా కాల్ ఆప్షన్‍ల సమయ విలువను  మరియు అందువల్ల ఈ ఆప్షన్‍ల ధరను పైకి పెంచవచ్చు. అదేవిధంగా, వడ్డీ రేట్లు తగ్గించబడినట్లయితే, అది స్ట్రైక్ ధర యొక్క ప్రస్తుత విలువను పెంచి, స్ట్రైక్ ధర మరియు మార్కెట్ ధర మధ్య అంతరాయాన్ని తగ్గిస్తుంది. అందువల్ల ఇది కాల్ ఆప్షన్‍ల కోసం నెగటివ్‍గా ఉంటుంది.

మనం చూసినట్లుగా, భారతదేశంలో ఆప్షన్‍ల ట్రేడింగ్ పరిమిత ప్రమాదంతో మార్కెట్లలో పాల్గొనడానికి మంచి మార్గాన్ని అందిస్తాయి..